Jizzax shahar 1-son bolalar musiqa va san’at maktabi yuzasidan RASMIY MUNOSABAT

Kuni kecha ijtimoiy tarmoqlar orqali “Bugun 19-sentyabr ertalab 09:30 larda Bir grux obodonlashtirish ishchilari tomonidan xokim yordamchisi buyrugiga asosan maktab tashkarisi kucha yon kismidagi bog yer ustida Turgan xas xashaklarni maktab kirish kismiga xovliga tashlab ketishdi. Nima bulishidan katʼiy Nazar Kim bulsa xam Nima xakki bor maktab ichkarisini ifloslantirishga. Bu joy taʼlim dargox, Ota onalar ukuvchilar ongiga salbiy taʼsir kursatmokda.Mana xozir soat 14:30 bulyapti xech Kim xabar olgani yuk.Videoda aks ettirilgan jizzax shaxar 1 son bolalar musika va sanʼat maktabi.Ilm dargoxiga etibor shumi?” (taxrirsiz) mazmunidagi murojaat e’lon qilingan edi.

Holat yuzasidan shahar hokimligi Axborot xizmati hamda viloyat Ekologiya,  atrof-muhitni muhofaza qilish boshqarmasi Axborot xizmati tomonidan tezkor tadbir amalga oshirildi.

Aytib o‘tish joizki, ushbu hudud shahar Obodonlashtirish boshqarmasi qamrovidagi hudud bo‘lib, muassasa ichkarisiga olib kiritib qo‘yilgan chiqindilar Obodonlashtirish boshqarmasi xodimlari tomonidan bartaraf etildi.

Jizzax shahar hokimligi Axborot xizmati