NAVBATDAGI SAYYOR QABUL

2023-yil 3-may kuni 1-sektor hududidagi Jizzax shahar Nurliobod mahallasidagi 13-umumta’lim maktab hovlisida Jizzax shahar hokimi Komil Xolmurodovning navbatdagi sayyor qabuli hamda yoshlar bilan uchrashuvi o‘tkazildi.

Sayyor qabulda shahar hokimligi xodimlari, tegishli idoralar, tashkilotlar rahbarlari va mahalla oqsoqollari ishtirok etishdi.

Qabul davomida 25 nafar fuqaro murojaat qilishdi. Shundan 15 tasi yoshlarga qarashli talaba shartnomasi, moddiy yordam va kredit masalasida bo‘lib, qolgan 10 tasi esa yo‘l ta’miri, uy-joy ta’miri va mahallaga suv olib kelish masalalaridan iborat edi.

Fuqarolar tomonidan ko‘tarilgan muammo va takliflarni o‘rganib chiqib, ijobiy hal etish yuzasidan mas’ul korxona va tashkilot rahbarlariga topshiriqlar berildi.

Jizzax shahar hokimligi Axborot xizmati