2023-YIL 24-FEVRAL KUNGI SAYYOR QABUL
Jizzax shahar Mahalla va nuroniylarni qo‘llab – quvvatlash bo‘limi majlislar zalida 2023-yil 24-fevral kuni 1-sektor rahbarining aholi bilan navbatdagi sayyor qabuli bo‘lib o‘tdi. Unda 35 nafarga yaqin fuqaro ishtirok etdi.
1-sektor rahbari Komil Xolmurodov fuqarolar bilan suhbatda, asosan, xotin-qizlar huquqlarini himoya qilish, yoshlarning ta’lim-tarbiya masalalari, mahalladagi ijtimoiy muammolar, jinoyatchilikning oldini olish va shu kabi dolzarb mavzular ko‘tarildi.
Shu bilan birga gaz va elektr energiyasidan muammolari mavjud fuqarolarni soha mutasaddilari bilan joyida muammolari o‘rganilib, bartaraf etildi.
Bugungi sayyor qabulda jami 35 ta murojaat kelib tushdi. Shulardan 10 tasi joyida ijobiy hal etilishi ta’minlandi. Ko‘rib chiqish uchun muddat talab etiladigan 25 taga yaqin murojaatlar bo‘yicha sektor shtabi tegishli mas’ul xodimlariga topshiriqlar berilib, ijrosi nazoratga olindi.
Murojaatlardan 10 tasi kredit masalasi, 11 tasi uy-joy olish subsidiya, 7 tasi uy-joy ta’miri, 3 tasi yo‘l ta’miri hamda 4 tasi bir martalik moddiy yordam masalalaridan iborat.
Bu kabi sayyor qabullar orqali fuqorolar roziligini ta’minlashga erishibgina qolmay, aholinig davlatga bo‘lgan ishonchini oshirishga va inson qadrining jamiyat xayotida asosiy o‘rni borligini ifodalaydi.
Jizzax shahar hokimligi Axborot xizmati.