SAYYOR QABUL – XALQ BILAN OCHIQ MULOQOT
Bugun 1-sektor hududidagi Jizzax shahar Mahalla va nuroniylarni qo‘llab – quvvatlash bo‘limi majlislar zalida Jizzax shahar hokimi Komil Xolmurodovning navbatdagi sayyor qabuli o‘tkazildi.
Ochiq muloqot tarzida o‘tkazilgan sayyor qabulda shahar hokimi tomonidan aholi bilan to‘g‘ridan-to‘g‘ri muloqot yo‘lga qo‘yildi.
Shuningdek, ularni qiynab kelayotgan muammolar aniqlanib, ijobiy hal etish choralari ko‘rildi. Sayyor qabulda shahar hokimining o‘rinbosarlari, tegishli idora va tashkilotlarning rahbarlari ishtirok etishdi.
Qabul davomida 32 nafar fuqarolar turli masalalar bilan murojaat qildilar. Fuqarolar tomonidan ko‘tarilgan muammo va takliflarni o‘rganib chiqib, ijobiy hal etish yuzasidan mas’ul korxona va tashkilot rahbarlariga topshiriqlar berildi.
