YANGI O‘ZBEKISTONNING IBRATLI OILASI

Joriy yilning 11-may kuni Jizzax shahar oila va xotin-qizlar bo‘limi hamda hamkor tashkilotlar bilan birgalikda shahardagi 4-umumta’lim maktabida 15-may “Xalqaro oila kuni” munosabati bilan “Farovon oila sari” g‘oyasi ostida “Yangi O‘zbekistonning ibratli oilasi” ko‘rik-tanlovining shahar bosqichi bo‘lib o‘tdi.

Tanlovning sektorlar bosqichida faxrli o‘rinlarni egallagan 10 nafar oila vakillari shahar bosqida ishtirok etdilar.

Tanlov yakuniga ko‘ra:
1️⃣-o‘rinni 94 ball bilan O‘ratepalik mahallasidan Shukurovlar oilasi;
2️⃣-o‘rinni 82-ball bilan Obod mahallasidan Mamadiyorovlar oilasi;
3️⃣-o‘rinni 78- ball bilan Bunyodkor mahallasidan Taymurodovlar oilasi tanlovning viloyat bosqichi yo‘llamasini qo‘lga kiritishdi.

Tadbirda Shahar hokimining o‘rinbosari Xalima Negmatova shahar hokimligining tashakkurnomasi va esdalik sovg‘alari bilan oilalarni taqdirladi.

Jizzax shahar hokimligi Axborot xizmati