Qonunlarni bilmaslik javobgarlikdan ozod etmaydi

Bugun  Jizzax shahar soliq inspeksiya boshlig‘i X.Umirov yirik bozor va savdo komplekslarida faoliyat yuritayotgan tadbirkorlar bilan uchrashuv o‘tkazdi. Unda bozor ma’muriyati  ham ishtirok etdi.
Uchrashuvda noqonuniy tadbirkorlik bilan shug‘ullanishning oqibatlari, tovarlar uchun to‘lovlarni bir jismoniy shaxsning kartasidan boshqa jismoniy shaxsning kartasiga o‘tkazish (P2P) orqali hisob-kitob qilish noqonuniy hisoblanishi, sotuvchilar mijozlarga QR-kod va fiskal belgili chek taqdim etishlari shartligi, chek bermaslik qonunchilikda belgilangan tartibda javobgarlikka sabab bo‘lishi tushuntirildi. Nazorat-kassa mashinasidan foydalanmaslik va xarid cheki bermaslik jarima solishga sabab bo‘ladi. Bu kabi holatlarni oldini olish maqsadida  soliq xizmati xodimlari tomonidan bozor hududidagi barcha tadbirkorlik sub’ektlariga bu boradagi tushuntirish ishlari davom etmoqda.