MILLIYLIK-АYOLLAR NIGOHIDA
2023-yil 2-may kuni “Jaholatga qarshi ma’rifat” yo‘nalishida “Milliylik-аyollar nigohida” mavzusida tadbir Jizzax viloyati Arxitektura va qurilish texnikomida o‘tkazildi.
Tadbirda “Qaliya” MFY keksa onaxonlari, opa-singillar hamda Respublika targ‘ibot guruhi vakillari O.Adilova, I.Ahmidova, R.Uzoqova, Jizzax viloyati DXX vakili, Din qo‘mitasi Jizzax viloyat boshqarmasi mutaxassisi Charos Mirzayeva, Oila va xotin-qizlar boshqarmasi boshliq o‘rinbosari G.Normurodova va Jizzax shahar hokim o‘rinbosari X.Negmanova, viloyat targ‘ibot guruhi rahbari M.Adilova, shahar targ‘ibot guruhi rahbari M.Tojiboyevalar ishtirok etishdi.
“Qaliya” MFY xotin qizlar faoli T.Rasulova boshqarib bordi. Tadbirni G.Normurodova ochib yig‘ilganlarga tadbirning mazmun mohiyati to‘g‘risida gapirib, xotin-qizlarning referendumdagi faolligi uchun minnatdorchilik bildirdi hamda yig‘ilganlarga tadbirga tashrif buyurgan Respublika vakillarini tanishtirib o‘tdi.
Shuningdek, milliy liboslarimiz va milliy qadriyatlarimizni saqlab qolish, oilada bolalar tarbiyasida onalarni ro‘li, mahallarda, oilalarda diniy muhitni sog‘lomlashtirish to‘g‘risida tavsiyalar berilib targ‘ibot ishlari olib borildi.
Yig‘ilish davomida so‘zga chiqqan respublika targ‘ibot guruhi vakili R.Uzoqova Jizzax shahrida o‘tkazilayotgan “Ma’naviy-ma’rifiy targ‘ibot tadbirlari” jumladan “Jaholatga qarshi ma’rifat bilan” mavzusidagi tadbirida ishtirok etgan xotin-qizlarga o‘z minnatdorchiligini bildirdi.
Tadbir so‘ngida noan’anaviy keyingan qizlar bilan alohida suhbat o‘tkazilib ularga xotin-qizlarga yaratilayotgan imkoniyatlar, berilayotgan imtiyozlar to‘g‘risida tushuntirishlar olib borildi.
