TARG‘IBOT DAVOM ETMOQDA
2023-yil 24-mart kuni Jizzax shahridagi “Jizzax viloyat ko‘p tarmoqli tibbiyot markazi” faollar zalida tibbiyot markazi xodimlari uchun Konstitutsiya islohotlarini umumxalq referendumi orqali amalga oshirilishida aholining huquqiy va siyosiy savodxonligini oshirishga qaratilgan targ‘ibot tadbiri bo‘lib o‘tdi.
Tadbirda Oliy Majlis Qonunchilik palatasi deputati Mehnat va ijtimoiy masala qo‘mitasi a’zosi O‘ral Kamolovich, Jizzax shahar hokimi maslahatchisi Surayyo Sherqo‘ziyeva, Jizzax shahar Adliya bo‘limi bosh yuristkonsulti va tibbiyot birlashmasi xodimlari ishtirok etishdi.
Amalga oshirilishi kutilayotgan konstitutsiya islohatlari, referendum o‘tkazish maqsadi va vazifalari, bugungi kunda qabul qilinayotgan qonunlar mazmun va mohiyati hamda boshqa huquqiy masalalar yuzasidan tushintirishlar berildi.
Jizzax shahar hokimligi Axborot xizmati
