NAVBATDAGI MEDIA TUR

Jizzax shahar xududida Quyosh panellarini o‘rnatish ishlar to‘g‘risida Xayrobod mahallasida ommaviy axborot vositalari vakillari uchun 2023-yil 25-aprel kuni media tur o‘tkazildi.

Media tur “Jizzax shaharda quyosh panellarini o‘rnatish va elektr energiya resurslarini tejash bo‘yicha amalga oshirilayotgan ishlar” mavzusida bo‘lib o‘tdi.

Jizzax shahar hokimining o‘rinbosari Jizzax shaharda quyosh panellarini o‘rnatish va elektr energiya resurslarini tejashda amalga oshirilayotgan ishlar bo‘yicha hisobot berib o‘tdi.

 O‘zbekiston Respublikasi Prezidentining 2023-yil 16-fevraldagi PQ-57-sonli qarorlari ijrosini ta’minlash maqsadida Jizzax shahrida energiya tejovchi texnologiyalarni joriy qilish va qayta tiklanuvchi energiya manbalarini rivojlantirish, muqobil energiya manbaalaridan keng foydalanishni yo‘lga qo‘yish va quyosh panellarini o‘rnatish bo‘yicha har bir korxona va tashkilotlarini ro‘yxatlari shakllantirildi. Jumladan: shahar hududidagi 110 ta ijtimoiy soha ob’ektlari va davlat idoralari tom qismiga quyosh panellari o‘rnatish hamda 1000 litr xajmli gelio-kollektorlar o‘rnatish. Shahar hududidagi 200 ta tadbirkorlik sub’ektlari tom qismiga quyosh panellari o‘rnatish; Shahardagi 34 ta mahallada 131 ta aholi xonadonlariga 3550 m2 tom qismiga 710 kVt quyosh panellari o‘rnatilishi rejalashtirilayotgan quyosh panellari ajratilishi ko‘zda tutilayotgan kreditlar to‘g‘risida aholi o‘rtasida targ‘ibot ishlarini olib borish; 2023-yilda mahalliy tadbirkorlar shaharda faoliyat ko‘rsatayotgan “ALTERNATIVE INVEST” MCHJ tomonidan 12 ming m2 yer maydonida  2000 kVt kichik fotoelektrik stantsiyalarni o‘rnatish; Shahar hududidagi 2023-yilda qurib bitkaziladigan 14 ta ko‘p qavatli uylarning  jami 1400 m2 tom qismiga 280 kVt quyosh panellari tom qismiga quyosh panellari o‘rnatish ro‘yxatlari shakllantirildi.

Shuningdek, yirik sanoat korxonalarida energiya samaradorlikni oshirish bo‘yicha sanoat hududida joylashgan yirik sanoat korxonalarning ichki yoritish chiroqlarni quyosh panellar sensorli yoritish chiroqlariga almashtirilib, ushbu korxonalardagi eski elektr jixozlari zamanoviy tejamkor qurilmalar almashtirish hisobiga 7,3 mln kVt. soat elektr energiyasini tejaladi. Quyosh suv isitkichlarini ijtimoiy soha ob’ektlari va davlat idoralarida hajmi 1,0 ming litr bo‘lgan suv istigichlarni o‘rnatish. Shahardagi 7 ta issiqxona, 9 ta ohak ishlab chiqarish zavodi, 2 ta g‘isht ishlab chiqarish zavodlarini ko‘mir yoqilg‘isiga o‘tkazish. Ushbu soha ob’ektlariga o‘tkazish uchun talab etiladigan 16 620 tonna ko‘mir yetkazib berish bo‘yicha ro‘yxatlar shakllantirildi.

Jizzax shahrida amalga oshirilgan ishlar bo‘yicha:

Jizzax shahrida faoliyat ko‘rsatayotgan “Best Solara Jizzax invest” MChJ bilan shartnoma asosida quyidagi korxona va tashkilotlar ya’ni,

1. Jizzax shahar soliq inspektsiyasi, 30 kVT,
2. Jizzax viloyat Davlat soliq boshqarmasiga 60 kVT,
3. Jizzax shahar hokimligi ma’muriy binosiga 25 kVT,
4. “Halq banki”, “Hamkor bank”ga 60 kVT,
5. “Markaziy bank” Jizzax viloyat bosh boshqarmasi 60 kVT,
6. “Ipoteka bank”ga 60 kVT,
7. Agro bank ga 60 k.VT,
8. Milliy bank ga 60 kVT,
9. Jizzax shahar IIB ga 50 kVT,
10. O‘zbekiston Respublikasi Bosh prokuraturaning IJKKDning Jizzax viloyat boshqarmasiga 60 k.VTli
11. O'zbekiston Kasaba uyushmalari Federetsiyasining Jizzax viloyat Kengashi bilan 60 kVT;
12. “Jizzax Markaziy dehqon bozori” AJ 10 kVT,
13. “Eski shahar buyum savdo kompleksi” AJ ga 10 kVT,
14. Kimyogar extiyot qismlar bozoriga 5 kVT,
15. Eski shahar dehqon bozoriga 10 kVT quyosh paneli o‘rnatilishiga erishildi.

Aholi honadonlari bo‘yicha:

Jizzax shahridagi 91 ta xonadonlarga jami 0,301 mVT li quyosh panellari,              2800 litrli gelio-kollektorlar o‘rnatildi.

Bundan tashqari, 53 ta xonadonlarga “Best Solara Jizzax invest” MChJ bilan ikki tomonlama shartnomalar imzolanib “Halq banki” amaliyot bo‘limi tomonidan 5 yilga yillik 15 foizdan 2 yil imtiyozli davr bilan bank kreditlari rasmiylashtirilmoqda.

2023-yil 16-mart kuni Jizzax shahar aholisi uchun Toshkent shahrida faoliyat ko‘rsatayotgan “Xumo salar” MChJ tomonidan 340 KVTli quyosh panel olib kelindi va shahar hokimligiga tushirildi.

Mazkur tadbirlarni samarali tashkil etish maqsadida shahar hokimligida  “SHTAB”  tuzilgan bo‘lib, amalga oshirilgan ishlar umumlashtirilmoqda.

 Jizzax shahar aholi xonadonlarida kichik quvvatdagi qayta tiklanuvchi energiya manbalarini o‘rnatish rejasi to‘g‘risida

MA’LUMOT

Tadbir ishtirokchilari o‘zlarini qiziqtirgan savollarga javob oldi.