Жиззах шаҳар Зилол маҳалласи йўллари ҳолатининг ёмонлиги юзасидан РАСМИЙ МУНОСАБАТ

Яқиндагини ижтимоий тармоқлар орқали Жиззах шаҳар “Зилол” МФЙ ҳудудидаги йўлларнинг ҳолати ёмонлиги, ёмғирли кунларда йўл кўлга айланаётгани, чуқурлар сувга тўлиб, ҳаракатни қийинлаштираётгани юзасидан шикояти акс этган мурожаат эълон қилинди.

Ҳолат юзасидан шаҳар ҳокимлиги мутасаддилари ҳамда тегишли ташкилотлар иштирокида махсус гуруҳ тузилиб, суриштирув, ўрганиш ишлари бошланди.

Айтиб ўтиш жоизки, шаҳарнинг Зилол маҳалласи 2023 йил “Обод маҳалла” Давлат дастурига киритилган бўлиб, ушбу дастур асосида маҳалланинг таъмирталаб ички йўллари таъмирланиши кўзда тутилган.