Жиззахда бир неча фуқароларнинг телефон аппаратларини алдаб олиб кетган хавфли рецидивистга нисбатан суд ҳукми чиқарилди
Валиев Олим (исми шарифи ўзгартирилган) муқаддам айнан мазкур турдаги жиноятни содир этиб, ўзига тўғри хулоса чиқармасдан хавфли рецидивист бўлгани ҳолда алдаш ёки ишончни суистемол қилиш йўли билан ўзганинг мулкини ёки ўзганинг мулкига бўлган ҳуқуқини қўлга киритиш мақсадида 2022 йил 08 апрель куни соат тахминан 19-20да Жиззах шаҳар Ёшлик маҳалласида жойлашган компьютер клубида фуқаро Салимов Ойбекни гўёки танишларига қўнғироқ қилиб олишини айтиб алдаб, унинг бир дона нархи 2.508.000 сўм бўлган “Redmi Note 10” русумли телефон аппаратини фирибгарлик йўли билан қўлга киритиб, қайтариб бермасдан олиб кетиб, ҳодиса жойидан яшириниб, ўзига нотаниш бўлган шахсга жиноий йўл билан қўлга киритганлигини айтмасдан 1.650.000 сўмга сотиб юбориб, пулларни ўз эҳтиёжлари йўлида сарфлаб юборган.
Бундан ташқари А.Валиев, ўзининг жиноий ҳаракатларини такроран давом эттириб, алдаш ёки ишончни суистеъмол қилиш йўли билан ўзганинг мулкини ёки ўзганинг мулкига бўлган ҳуқуқини қўлга киритиш мақсадида фуқаро Юсупов Одилнинг “OLX” ижтимоий тармоғига нархи 1.400.000 сўм бўлган “Iphone 6S” русумли телефон аппаратини сотиш мақсадида эьлон берганлигидан хабар топиб, ушбу телефон аппаратини гўёки ўзига тегишли бўлган “Samsung A32” русумли телефон аппарати билан алмаштиришини айтиб, 2022 йил 07 май куни соат тахминан 16-00да Жиззах шаҳар Кимёгар маҳалласи ҳудудида жойлашган РШТЁИМ Жиззах филиали ҳовлисида учрашиб, О.Юсуповни чалғитиш мақсадида уни ташқарида кутиб турган аслида бўлмаган танишларини чақириб келишини айтиб алдаб, унинг кетганлигидан фойдаланиб, ўзида бўлган “Iphone 6S” русумли телефон аппаратини олиб кетиб, ҳодиса жойидан яшириниб, Тошкент шаҳрида ўзига нотаниш бўлган шахсга жиноий йўл билан қўлга киритганлигини айтмасдан 650.000 сўмга сотиб, пулларни ўз эҳтиёжлари йўлида сарфлаб юборган.
Бундан ташқари А.Валиев, ўзининг жиноий ҳаракатларини такроран давом эттириб, алдаш ёки ишончни суистемол қилиш йўли билан ўзганинг мулкини ёки ўзганинг мулкига бўлган ҳуқуқини қўлга киритиш мақсадида 2022 йил 12 май куни РШТЁИМ Жиззах филиали қабулхонасида фуқаро Умарова Камола билан учрашиб қолиб, унга тегишли нархи 3.862.000 сўм бўлган “POCO X3Pro” русумли телефон аппаратига вақтинча қараб туришини айтиб алдаб, унинг ишончинни суистеъмол қилиб, унинг кетганлигидан фойдаланиб, “POCO X3Pro” русумли телефон аппаратини фирибгарлик йўли билан қўлга киритиб, ҳодиса жойидан яшириниб, Тошкент шаҳрида ўзига нотаниш бўлган шахсга жиноий йўл билан қўлга киритганлигини айтмасдан 1.800.000 сўмга сотиб, пулларни ўз эҳтиёжлари йўлида сарфлаб юборган.
Бундан ташқари А.Валиев, ўзининг жиноий ҳаракатларини такроран давом эттириб, алдаш ёки ишончни суистемол қилиш йўли билан ўзганинг мулкини ёки ўзганинг мулкига бўлган ҳуқуқини қўлга киритиш мақсадида фуқаро Собиров Абдулла “OLX” ижтимоий тармоғига нархи 3.452.000 сўм бўлган “POCO X3Pro” русумли телефон аппаратини сотиш мақсадида эьлон берганлигидан хабар топиб, ушбу телефон аппаратини гўёки ўзининг РШТЁИМ Жиззах филиалида даволанаётган ўртоғига олиб беришини айтиб, 2022 йил 26 май куни соат тахминан 12-30да Жиззах шаҳар Кимёгар маҳалласи ҳудудида жойлашган РШТЁИМ Жиззах филиали ҳовлисида учрашиб, А.Собировни чалғитиш мақсадида унга тегишли бўлган “POCO X3Pro” русумли телефон аппаратини сотиб олишини айтиб ишонтириб, телефонни ўртоғига кўрсатиб чиқишини, уни кутиб туришини айтиб, РШТЁИМ Жиззах филиали иккинчи қаватига чиқиб кетиб, А.Собиров уни кутиб турган вақтда унга билдирмасдан ҳодиса жойини тарк этиб, қўлга киритган “POCO X3Pro” русумли телефон аппаратини Тошкент шаҳрида ўзига нотаниш бўлган шахсга жиноий йўл билан қўлга киритганлигини айтмасдан 2.000.000 сўмга сотиб, пулларни ўз эҳтиёжлари йўлида сарфлаб юборган.
Мазкур жиноят иши апелляция инстанциясида кўрилиб, судланувчи етказилган зарарни тўлиқ қоплаганлигини инобатга олиб унга нисбатан 3 йил ахлоқ тузатиш ишлари жазоси тайинланди. Судланувчи суд залидан қамоқдан озод қилинди.
Рахматилла Орзиқулов
Жиззах вилоят суди
жиноят ишлари бўйича
судлов ҳайъати раиси
