Зулфия номидаги давлат мукофотининг Жиззах шаҳар босқичи бўлиб ўтди
Ўзбекистон Республикаси Президентининг 1999 йил 10 июндаги “Зулфия номидаги Давлат мукофотини таъсис этиш бўйича таклифларни қўллаб-қуватлаш тўғрисида”ги ПФ-2326-сонли Фармони ижросини таъминлаш мақсадида жорий 2022 йил 10 октябръ санасида шаҳардаги 14 ёшдан 30 ёшгача бўлган хотин-қизлар орасидан Зулфия номидаги Давлат мукофотига номзод бўла оладиган иқтидорли қизларни саралаш шаҳар босқичи ўтказилди.
Шаҳар комиссиясига жами 27 нафар хотин-қизларимиз ўз номзодларини кўрсатиб ҳужжат топширди. Шундан 3 нафари “санъат” йўналиши, 5 нафари “спорт” йўналиши, 1 нафари “маданият” йўналиши, 9 нафари “фан” йўналиши, 5 нафари “таълим” йўналиши ва 4 нафари “адабиёт” йўналишлари бўйича ўз номзодларини тақдим этишган.
Комиссия аъзолари томонидан талабгорлар бўйича таклиф ва уларнинг ҳужжатлари, номзод хотин-қизларнинг ютуқлари белгиланган мезонларга мослиги атрофлича ўрганиб чиқилди.
Якунда иштирокчилар орасидан муносиблар сараланиб, шаҳар ҳокимлигининг ташаккурномалари топширилди.
Жиззах шаҳар ҳокимлиги Ахборот хизмати