Jizzax shahrida “1-oktabr – O‘qituvchi va murabbiylar kuni” bayrami keng nishonlandi

Shahrimizda 1-oktabr – O‘qituvchi va murabbiylar kuniga bag‘ishlab o‘tkazilgan bayram tadbiriga barcha maktabgacha va maktab taʼlimi sohasida mehnat qilib kelayotgan fidoyi ustoz va murabbiylar, soha faxriylari taklif qilindi.

Shahar hokimi Komil Xolmurodov oʻz bayram tabrigida soha vakillarini samimiy qutladi. Yosh avlodga taʼlim-tarbiya berishda munosib yutuqlarga erishib, qator mukofotlarga loyiq topilgan ustozlarga shahar hokimining tashakkurnomasi hamda bayram sovg‘alari topshirildi.

Shahar madaniyat bo‘limining xushovoz xonandalari tomonidan yangragan kuy-qo‘shiqlar barchaga ko‘tarinki kayfiyat ulashdi.