Жамоатчилик фикри асосида амалга ошириладиган ишлар кўлами кенгаймоқда

Ўзбекистон Республикаси Президентининг 2022 йил 25 октябрдаги” Жамоатчилик фикри асосида шакллантириладиган лойиҳаларни молиялаштириш, кўламини кенгайтириш чора-тадбирлари тўғрисида”ги 409-сонли қарори ижросини ўз вақтида ва самарали бажарилишини таъминлаш мақсадида Жиззах шаҳар  Молия бўлими ҳамда маҳалла мутасаддилари иштирокида ўқув-семинар ўтказилди.

Шаҳар маҳалла биносида бўлиб ўтган семинарда жамоатчилик фикри асосида тадбирларни шакллантириш, баҳолаш ҳамда уларни туман бюджетларининг маблағлари ҳисобидан молиялаштириш мезонларига мослиги мониторингини олиб бориш бўйича туман ишчи гуруҳи аъзолари, маҳалла фуқаролар йиғинлари раислари, ҳоким ёрдамчилари иштирок этди.

Унда айтиб ўтилганидек, қисқа вақт ишида ташаббусли бюджет лойиҳалари асосида ишлар кўмали кенгаймоқда. Бунда асосан аҳолини қийнаётган муаммолар ечимини топаётгани билан ҳам аҳамиятли.

Семинарда ташаббускор бюджетлаштириш механизми ёки “очиқ бюджет”дан фойдаланишнинг аҳамияти айтиб ўтилди.