O‘zbekiston mahallalari uyushmasining taʼsis konferensiyasiga delegatlarni saylash maqsadida Jizzax shahar mahallani qo‘llab quvvatlash kengashining tashkiliy yig‘ilishi bo‘lib o‘tdi

Yig‘ilish kun tartibiga asosan, O‘zbekiston Respublikasi Prezidentining 2023-yil 21-dekabrdagi “Mahalla institutining jamiyatdagi rolini tubdan oshirish va uning aholi muammolarini hal etishda birinchi bo‘g‘in sifatida ishlashini taʼminlashga qaratilgan chora-tadbirlar to‘g‘risida”gi PF-209-son Farmoni hamda “O‘zbekiston mahallalari uyushmasi faoliyatini yo‘lga qo‘yish va mahallalarda boshqaruv tizimini takomillashtirishga oid qo‘shimcha chora-tadbirlar to‘g‘risida”gi PQ-402-son Qaroridan ijrosi yuzasidan so‘z yuritildi.

Davlatimiz rahbari raisligida 2023-yil 22-dekabrda o‘tkazilgan Respublika Maʼnaviyat va maʼrifat kengashining kengaytirilgan yig‘ilishida belgilab berilgan mahalla tizimi faollari zimmasidagi ustuvor vazifalar yuzasidan shahar hokimi tomonidan manzilli ko‘rsatmalar berildi.

Kengash yig‘ilishidan so‘ng jurnalist va blogerlar uchun 2023-2024-yillarda shaharda maʼnaviy-maʼrifiy ishlar samaradorligini oshirish yuzasidan olib borilgan ishlar, istiqbolli rejalar mavzusida matbuot anjumani ham tashkil etildi.

Matbuot anjumanida jurnalistlar va blogerlar o‘zlarini qiziqtirgan savollarga javoblar oldilar.