30-iyuldan 30-avgustgacha “Obodonlashtirish oyligi”ni o‘kazish belgilab olindi
O‘zbekiston Respublikasi Bosh vazirining 2023-yil 20-iyulda o‘tkazilgan videoselektor yig‘ilishida bergan topshiriqlariga muvofiq, O‘zbekiston Respublikasi Mustaqilligining 32 yilligini keng nishonlashga puxta tayyorgarlik ko‘rish, hududlarni obodonlashtirish va ko‘kalamzorlashtirish ishlari ko‘lamini yanada kengaytirish, ijtimoiy va ishlab chiqarish infratuzilmalarining holatini yaxshilash, “mahalladan xonadongacha” tamoyili asosida joriy yilning 30-iyuldan 30-avgustiga qadar “Obodonlashtirish oyligi”ni o‘kazish belgilab olindi.
“Obodonlashtirish oyligi” doirasida shahar mahallalari hududlarini obodonlashtirish, shahar hududida tozalash ishlarini amalga oshirish, korxona va tashkilotlar hududlarini, ko‘p kvartirali uylarning, savdo obyektlarining atrofini, bozorlar, magistral ko‘chalar va boshqa turdagi obyektlar hududlarini obod qilish ko‘zda tutilgan.
Shuningdek, shahardagi tashqi reklama obyektlarining “Tashqi reklama bozorini tartibga soliq to‘g‘risida”gi 104-sonli qarori talablariga muvofiqligi yuzasidan xatlovdan o‘tkazish, maishiy chiqindilar bilan bog‘liq ishlarni amalga oshirish ham belgilangan.
Jizzax shahar hokimligi Axborot xizmati
