ILMNI QADRLANG, ILMGA INTILING

Qadrli maktab bitiruvchilari, barchangizni beg‘ubor o‘quvchilik yillaringizni ortda qoldirib, qadrdon maktabingiz, mehribon ustozlaringiz bilan xayrlashib, hayotingizning yangi, yanada mas’uliyatli bosqichiga qadam qo‘yayotganingiz bilan chin qalbimdan muborakbod etaman.

Sizlarning hayotda o‘z munosib o‘rningizni topishingiz uchun davlatimiz va jamiyatimiz bundan buyon ham bor kuch va imkoniyatlarini to‘la safarbar etadi. O‘rganish, izlanish va intilishdan aslo to‘xtamang!

Sizlarni maktab ta’limini muvaffaqiyatli tugatganingiz bilan yana bir bor samimiy tabriklayman. Barchangizga sihat-salomatlik, ishda va o‘qishda, shaxsiy hayotda katta yutuq va omadlar tilayman.

Mustaqil hayot sari tashlayotgan ilk dadil qadamingiz qutlug‘ va muborak bo‘lsin!

Komil Xolmurodov