YOSHLAR BILAN NAVBATDAGI SAYYOR QABUL
Jizzax shahar 2-sektor hududida 2023-yil 2-fevral kuni “Alisher Navoiy” MFYda joylashgan 3-sonli maktab binosida sektor rahbarining aholi hamda yoshlar bilan navbatdagi sayyor qabuli bo‘lib o‘tdi. Unda 30 nafardan ziyod fuqaro ishtirok etdi.
2-sektor rahbari M.M.Mamatovning fuqarolar bilan suhbatda, asosan, yoshlarning ta’lim-tarbiya masalalari, uyushmagan yoshlarning bandligini ta’minlash, mahalladagi ijtimoiy muammolar, jinoyatchilikning oldini olish, xotin-qizlar huquqlarini himoya qilish, qish mavsumida gaz va elektr energiyasidan ehtiyotkorona foydalanish qoidalari va shu kabi dolbzarb mavzular ko‘tarildi.
Sayyor qabulda kelib tushgan murojaatlarning 5 tasi joyida ijobiy hal etilishi ta’minlandi. Ko‘rib chiqish uchun muddat talab etiladigan 9 ta murojaatlar bo‘yicha sektor shtabi tegishli mas’ul xodimlariga topshiriqlar berilib, ijrosi nazoratga olindi.