O‘ZBEKISTON RESPUBLIKASI PREZIDENTINING QARORI O‘ZBEKISTON RESPUBLIKASINING “2022-YIL UCHUN O‘ZBEKISTON RESPUBLIKASINING DAVLAT BUDJETI TO‘G‘RISIDA”GI QONUNI IJROSINI TA’MINLASH CHORA-TADBIRLARI TO‘G‘RISIDA

O‘zbekiston Respublikasi Prezidentining 2021-yil 30-dekabrdagi “O‘zbekiston Respublikasining “2022-yil uchun O‘zbekiston Respublikasining davlat byudjeti to‘g‘risida"gi qonuni ijrosini ta’minlash chora-tadbirlari to‘g‘risida”gi PQ-73-sonli qarorining 8-ilova 20-bandi ijrosi yuzasidan “Mahalla” xayriya jamoat fondining Qoraqalpog‘iston Respublikasi, viloyatlar va Toshkent shahar bo‘limlari, tuman va shaharlar bo‘linmalari huzurida ochilgan “Saxovat va ko‘mak” jamg‘armasi mablag‘larining yo‘naltirilishi to‘g‘risidagi hisobotlarni o‘z rasmiy veb-saytlarida joylashtirish belgilangan bo‘lib, shu munosabat Jizzax shahar “Mahalla” fondi huzurida tashkil etilgan “Saxovat va ko‘mak” jamg‘armasi hisob raqamiga homiylar va xayriyalardan jami 2 735 971,7 ming so‘m mablag‘ kelib tushgan bo‘lib, xalq deputatlar kengashi qaroriga binoan ijtimoiy himoyaga muhtoj oilalarga jami 2 724 025,1 ming so‘m mablag‘ sarflangan. Shundan, moddiy yordam uchun 421 ta oilaga 434 872,0 ming so‘m, sog‘lig‘ini tiklash uchun 426 ta oilaga 1 128 251,6 ming so‘m, boshqa yordamlar uchun 90 ta oilaga 1 160 901,5 ming so‘m mablag‘ sarflangan. Yil yakuniga ko‘ra Jizzax shahar “Mahalla” fondi huzurida tashkil etilgan “Saxovat va ko‘mak” jamg‘armasi hisob raqamida 11 946,6 ming so‘m mablag‘ mavjud. Bu bo‘yicha ma’lumotlar har oyning 25 sanasiga qadar Respublika shahar “Mahalla” fondi huzurida tashkil etilgan “Saxovat va ko‘mak” jamg‘armasi veb saytida yoritib borilgan.

Negmatova Xalima

Shahar hokimi o‘rinbosari,

Oila va xotin-qizlar bo‘limi boshlig‘i