Yoshlar muammolarini hal etish, ularni qo‘llab-quvvatlash bo‘yicha “Nukus shahar tajribasi” Jizzax shahrida ham olib borilmoqda

O‘zbekiston Respublikasi Prezidentining 2022-yil 19-yanvardagi PQ-92-son qaroriga asosan, har bir shaharcha, qishloq, ovulda, shuningdek, shaharlar, shaharchalar, qishloqlar hamda ovullardagi har bir mahallada (keyingi o‘rinlarda — mahalla) yoshlar yetakchisi lavozimi joriy etildi.

Mahalladagi yoshlar yetakchisining asosiy vazifalari “Yoshlar balansi”ni shakllantirish, yoshlar to‘g‘risidagi zarur ma’lumotlarni “Yoshlar daftari” va “Yoshlar portali” elektron platformalariga kiritib borish, ular bilan samarali ish tashkil qilish etib belgilandi.

Shu qaror asosida respublikamizning barcha hududlarida 2022-yil 29-sentyabrdan boshlab, uyma-uy yurgan holda yoshlar xatlovi amalga oshirilmoqda.

Shu kunga qadar, Jizzax shahrida yetakchilar tomonidan jami 17320 nafar yoshlar xatlovga olingan bo‘lsa, shundan 9033 o‘g‘il bolalar, 8287 qiz bolalar bo‘lib, yoshlar daftariga tavsiya etilgan yoshlar soni esa, 189 nafarni tashkil etadi.

Xatlov ishlari davom etmoqda.

Jizzax shahar hokimligi Axborot xizmati